धनुषामा २२ शय्याको सर्पदंश उपचार केन्द्र सञ्चालनमा

२६ मंसिर, जनकपुरधाम । धनुषामा २२ शय्याको सर्पदंश उपचार केन्द्र सञ्चालनमा आएको छ । क्षिरेश्वरनाथ नगरपालिकाको महेन्द्रनगरमा सञ्चालनमा आएको उपचार केन्द्रमा सर्पले डसेका बिरामीहरुको निःशुल्क उपचार हुने केन्द्रले जनाएको छ ।

उपचार केन्द्रको एक कार्यक्रमकाबीच प्रदेशका मुख्यमन्त्री लालबाबु राउतले उद्घाटन गरे । त्यस अवसरमा बोल्दै उनले यो प्रदेश विषालु सर्पको बिगबिगी भएको प्रदेश भएकाले प्रदेशभित्रै एन्टिभेनम खोपको उत्पादनका लागि आफूहरु अघि बढिरहेको बताए ।

सर्पदंश उपचार केन्द्र सञ्चालनमा आएसँगै सर्पको डसाइबाट यस क्षेत्रका मानिसले अकालमै ज्यान गुमाउनु नपर्ने उनको भनाइ थियो ।

क्षिरेश्वरनाथ नगरपालिकाका प्रमुख योगेन्द्र पंजियारले उपचार केन्द्रलाई हरेक किसिमको सहयोग गर्न तयार रहेको बताए । ‘उपचार केन्द्र सञ्चालनका लागि यस पटक रु १५ लाख उपलब्ध गराएको छु,’ उनले भने, ‘प्रत्येक वर्ष रु १० लाखका दरले विनियोजन गर्दै जानेछु ।’ उनले सर्पदंशमा परेका बिरामीको निःशुल्क उपचार गर्ने बताए ।

यूएनडीपीको रु १ करोड २० लाख लगानीमा निर्माण भएको भवनमा नगरपालिकाले रु १ करोड उपकरण, शय्या र व्यवस्थापनमा खर्च गरेको छ ।”

सर्पदंशको उपचार भने नेपाली सेनाको श्रीनाथ गणले खटाएको चिकित्सकसहित र प्राविधिक टोलीले गर्ने नगरपालिकाले जनाएको छ ।


Janaki Post
Janaki Posthttp://Janakipost.com
Janaki Post News: Find the latest breaking news from Nepal and world on opinion & analysis, politics, science and technology and much more.

Related Articles

LEAVE A REPLY

Please enter your comment!
Please enter your name here

Stay Connected

FansLike
FollowersFollow
- Advertisement -

Trending News